Educational Innovation Fair

• 1962માં MHRD ઈનોવેશન સેલનું નિર્માણ થયુ.

• 1982માં 10 ઇનોવેટીવ ટીચર હતા જેમાં ગુજરાતના ચાર ટીચર હતા. 2011મા એક ગુજરાત એજ્યુકેશનલ ઇનોવેશન કમિશન બનાવવાં આવ્યું.
• IIM અને NCERT દ્વારા તમામ રાજ્યમાં TeacherTrainerરાજ્ય ઇનોવેશનકમિટિની સ્થાપના કરવામાં આવી.
• ઇનોવેશન ફેરમાં નાયરા એનર્જી દ્વારા આર્થિક સહાય અને આઇ ટુ વી ફાઉન્ડેશન દ્વારા માર્ગદર્શન આપવામાં આવે છે.
• જીસીઈઆરટી દ્વારા ૨૦૧૫ થી ઈનોવેશન ફેરની શરૂઆત કરવામાં આવેલ છે.
• અગાઉના પાંચ વર્ષ ઇનોવેશન ફેર ઓફલાઈન યોજાયો. અને ગત છેલ્લા વર્ષે ઇનોવેશન ફેર જિલ્લા કક્ષાએ ઓનલાઈન યોજાયો તે પણ એક પ્રકારનું ઇનોવેશન જ હતું.
• દર વર્ષે રજૂ થયેલ ઇનોવેશન વિવિધ કેટેગરીમાં વિભાજીત કરવામાં આવે છે.

ઇનોવેશન ફેર ના હેતુઓ :-

• એજ્યુકેશનલ ઈનોવેશન ફેર દ્વારા ઇનોવેટીવ વિચાર વિમર્શ કરી શકાશે.
• નવા-નવા શૈક્ષણિક સંશોધનો જિલ્લાની અન્ય શાળાઓ સુધી પહોંચશે  અને અમલ થાય તેવા પ્રકારનું આયોજન કરી શકાશે.
• શિક્ષણક્ષેત્રે શિક્ષણકાર્યમાં પડતી ઘણીખરી મુશ્કેલીઓનો અંત આવા ઈનોવેશન ફેરમાં મળી આવતા ઈનોવેટિવ આઈડિયા થકી આવશે.
• નવાચાર માટે જિલ્લાના તમામ શિક્ષકોને પ્રેરણા અને પ્રોત્સાહન મળે.શિક્ષકો પોતાની શાળામાં આ પ્રમાણેની નવતર પ્રવૃત્તિઓ કરવા માટેની શરૂઆત કરશે.વર્ગખંડમાં અને શાળામાં નૂતન પ્રયોગો કરી શકાશે.
• બાળકો નવીન ટેકનોલોજીનો ઉપયોગ કરતાં થાય.
• વિદ્યાર્થીઓ અનુભવ દ્વારા ચિંરજીવી જ્ઞાન મેળવે. અને સુષુપ્ત શક્તિઓ બહાર આવે.
• વિદ્યાર્થીઓ આપેલ જુદા-જુદા વિષયવસ્તુને શીખવા માટે હકારાત્મક વલણ કેળવાય.
• વિદ્યાર્થીઓમાં ભાષા શિક્ષણમાં રસ જાગૃત થાય.
• બાળકોને નવીન વિચારો અને નવીન જાણવાની તક મળે.
• વિદ્યાર્થીઓ વિષયમાં રસ કેળવી તે તરફ અભિમુખ બને.
• નવીનદૃષ્ટિ કેળવવાનું કૌશલ્ય કેળવાય.
• સમાજમાં શિક્ષણની નવીન દૃષ્ટિથી શિક્ષકો માહિતગાર થાય.
• માધ્યમિક શિક્ષણ અને કોલેજ કક્ષાએ નવીન પ્રયોગો કરવાની પ્રેરણા ઇનોવેશન ફેર દ્વારા ઉજાગર થાય.

લાભાર્થી : બી.એડ.નાઅધ્યાપકો, ડી.એલ.એડ.ના અધ્યાપકો, બી.એડ.ના વિદ્યાર્થીઓ, ડી.એલ.એડ.ના વિદ્યાર્થીઓ, ડાયટના અધ્યાપકો, માધ્યમિક શાળાના શિક્ષકો , ઉચ્ચત્તર માધ્યમિક શાળાના શિક્ષકો, પ્રાથમિક શાળાના શિક્ષકો

ઈનોવેશન ફેરનું  આયોજન :

• ઈનોવેશન ફેરના  આયોજન કરતાં પહેલા સૌ પ્રથમ ઈનોવેશન શેરીંગ વર્કશોપનું આયોજન કરવામાં આવે છે. જેમાં ગત વર્ષે રાજ્ય ક્ક્ષાએ ભાગ લીધેલ ઈનોવેટીવ શિક્ષકો પોતાના અને રાજ્યના અન્ય ઈનોવેશનથી શિક્ષકમિત્રોને વાકેફ કરે છે અને વર્ગખંડમાં કેવા પ્રકારની ઈનોવેટીવ પ્રવૃત્તિ કરી શકાય તેનું માર્ગદર્શન આપવામાં આવે છે.
• આ પ્રકારના તાલીમ વર્ગમાં સી.આર.સી. દીઠ એક શિક્ષકને માર્ગદર્શન આપવામાં આવે છે. જેથી તેમના દ્વારા પોતાના ક્લસ્ટરની તમામ શાળાઓને વાકેફ કરી શકાય. આવી રીતે ઇનોવેશન ફેર નો જિલ્લામાં પ્રચાર-પ્રસાર કરવામાં આવે છે. ત્યાર બાદ જીલ્લાનાં ઈનોવેટિવ શિક્ષકોને ભરવા માટે ગૂગલ ફોર્મ દ્વારા ગૂગલ લીંક બનાવીને પંદર દિવસ સુધી ઓપન રાખવામાં આવે છે. તેમાં ઇનોવેશનમાં રસ ધરાવતાં શિક્ષકમિત્રોએ રજીસ્ટ્રેશન કરાવવાનું હોય છે.
•  જે મિત્રોનું  રજીસ્ટ્રેશન થયેલ હોય તેવા શિક્ષકમિત્રોએ ઇનોવેશન પસંદગી વર્કશોપમાં ઉપસ્થિત રહીને પોતાના ઈનોવેટિવ કાર્યની PPT દ્વારા રજૂઆત કરવાની હોય છે. તેમાંથી અસરકારક અને શિક્ષણમાં ઉપયોગી હોય તેવા ઈનોવેશનની નિમાયેલ કમીટી દ્વારા પસંદગી કરવામાં આવે છે. જીલ્લા ક્ક્ષાએ પસંદ થયેલ ઈનોવેશનને રજૂઆત કરવાની તક આપવામાં આવે છે. જીલ્લા ઈનોવેશન ફેરમાં બી.એડ.નાં અધ્યાપકો, ડી.એલ.એડ.નાં અધ્યાપકો, બી.એડ.નાં વિદ્યાર્થીઓ , ડી.એલ.એડ.નાં વિદ્યાર્થીઓ, ડાયટનાં અધ્યાપકો, માધ્યમિક શાળાનાં શિક્ષકો , ઉચ્ચત્તર માધ્યમિક શાળાનાં શિક્ષકો, પ્રાથમિક શાળાનાં શિક્ષકો ભાગ લઈ શકે છે.
• જિલ્લામાંથી રાજ્યના ઈનોવેશન પસંદગી માટે નિર્ણાયકોના મૂલ્યાંકનના ૭૦ % અને મુલાકાતી શિક્ષકોનાં મૂલ્યાંકન ૩૦% એમ કુલ ૧૦૦% મૂલ્યાંકનમાં અગ્રીમતા ધરાવતાં ત્રણ કૃતિ પ્રાથમિક શિક્ષકોની  અને બે કૃતિ માધ્યમિક શિક્ષકો અને અધ્યાપકમાંથી પસંદ કરવામાં આવે છે. જિલ્લામાંથી કુલ પાંચ કૃતિઓ રાજ્ય ક્ક્ષા માટે નિર્ણાયકશ્રીઓ દ્વારા પસંદ કરવામાં આવે છે. પસંદ થયેલ કૃતિને રાજ્ય ક્ક્ષાના ઈનોવેશન ફેરમાં રજૂઆત કરવાની તક આપવામાં આવે છે.
• આમ, નવા-નવા શૈક્ષણિક ઈનોવેટિવ વિચારો રાજ્યની અને જિલ્લાની અન્ય શાળાઓ સુધી પહોંચશે  તથા તેનો  અમલ થાય તેવા પ્રકારનું આયોજન કરી શકાય તે હેતુથી શાળા ક્ક્ષાએથી રાજ્ય કક્ષા સુધીનું ઇનોવેશન ફેરનું આયોજન દર વર્ષે કરવામાં આવે છે.