Role Play & Folk Dance

                        વસતિ શિક્ષણ એકમ તથા NCERT  N.P.E.P.  વિભાગના પ્લાન મુજબ દર વર્ષે જિલ્લા કક્ષાથી રાષ્ટ્રીય કક્ષા સુધી રોલ –પ્લે અને લોક નૃત્ય ની સ્પર્ધાનું આયોજન કરવામાં આવે છે. આ  સ્પર્ધા ફક્ત સરકારી માધ્યમિક શાળા ધોરણ – ૯ અને KGBV ના વિદ્યાર્થીઓ માટે જ છે. આ સ્પર્ધામાં આરોગ્ય ની જાગૃતતા અંતર્ગત નીચેના જેવા  વિષયો રાખવામાં આવે છે. 

 સ્પર્ધાના વિષયો :

1. પોષક આહાર અને સુખાકારી
2. વ્યક્તિગત  સલામતી – શારીરિક , માનસિક , ભાવનાત્મક તથા જાતીય
3. મીડિયા લીટરેસી , ગેજેટ અને ઈન્ટરનેટના સુરક્ષિત ઉપયોગ
4. નશીલા દ્રવ્યોનો દુરપયોગ , કારણ અને નિવારણ

સ્પર્ધાના નિયમો :

1. આ સ્પર્ધામાં વિવિધ પોશાકોનો ઉપયોગ કરવામાં આવતો નથી. સ્પર્ધકોએ શાળાના ગણવેશમાં જ રજૂઆત કરવાની હોય છે
2. આ સ્પર્ધામાં વધુંમાં વધુ પાંચ સ્પર્ધકો ભાગ લઇ શકે છે.
3. સ્પર્ધાનો સમય ૫ થી ૬ મિનિટનો હોય છે
4. સ્પર્ધા માટે રજુઆતની ભાષા ગુજરાતી , હિન્દી અને અંગ્રેજી હોય છે.

2. લોકનૃત્ય સ્પર્ધા :

                        આ સ્પર્ધા પણ આરોગ્ય અંગેની જાગૃતતા અને મુલ્યશિક્ષણના હેતુને ધ્યાનમાં રાખીને યોજવામાં આવે છે.

સ્પર્ધાના વિષયો :

1. કુમાર અને કન્યા માટે સમાન તકો – ભ્રુણહત્યા નિવારણ
2. વડોલીની કાળજી અને સન્માન
3. પર્યાવરણ સંરક્ષણ
4. નશીલા દ્રવ્યો
5. તરુણાવસ્થા – આકર્ષણ અને પડકારો
6. તરુણો વચ્ચેના તંદુરસ્ત સંબંધો

સ્પર્ધાના નિયમો :

1. આ સ્પર્ધામાં પોશાક થીમ ને અનુરૂપ રાખી શકાશે .
2. આ સ્પર્ધામાં વધુમાં વધુ છ સ્પર્ધકો ભાગ લઇ શકશે.
3. સ્પર્ધાનો સમય ૫ થી ૬ મિનિટનો હોય છે
4. સ્પર્ધા માટે રજુઆત ની ભાષા ગુજરાતી, હિન્દી અને અંગ્રેજી હોય છે.

            આ બંને સ્પર્ધાઓ વિદ્યાર્થીઓની સક્રિય ભાગીદારીથી તેમના જીવન કૌશલ્યોના વિકાસ માટે પ્રયોગાત્મક અધ્યયન અનુભવો માટેની તકો પૂરી પાડવા માટે છે તેમજ સમોવડિયા જૂથમાં રોલ પ્લે અને લોક નૃત્ય સ્પર્ધા જેવી વ્યૂહરચના દ્વારા શાળામાં તારુણ્ય શિક્ષણનું વાતાવરણ નિર્માણ કરવાનો છે. આ કેન્દ્રીયકૃત સ્પર્ધા છે.